حارث رؤف نے شاداب خان سے بدلا لے لیا

October 06, 2022

فوٹو بشکریہ پی سی بی

پاکستان کرکٹ ٹیم کے آف دی فیلڈ تعلقات کی ویڈیوز اور تصاویر کو ان کے مداح ہمیشہ ہی پسند کرتے ہیں۔

اس مرتبہ جب کیک کھلانے کے معاملے پر حارث رؤف نے شاداب خان سے بدلا لیا تو اس کی ویڈیو کو بھی انٹرنیٹ پر مداح بہت پسند کررہے ہیں۔

بولنگ آل راؤنڈر شاداب خان نے ماضی میں دو مرتبہ فاسٹ بولر حارث رؤف کے ساتھ کیک کھلاتے ہوئے مذاق کیا تھا۔

جس کے بعد حارث رؤف نے بھی شاداب خان سے بدلا لینے کے لئے خاص دن کا انتخاب کیا اور انہی کی سالگرہ پر ان سے بدلا لے لیا۔

پاکستان کرکٹ ٹیم کے نائب کپتان شاداب خان کی سالگرہ سہ فریقی سیریز میں شرکت کیلئے نیوزی لینڈ جاتے ہوئے سفر کے دوران جہاز میں منائی گئی۔

اس دوران برتھ ڈے بوائے نے کیک کاٹا تو حارث رؤف نے انہیں مبارک باد کے طور پر کیک کھلانا چاہا۔

اس دوران جیسے ہی شاداب خان نے آگے بڑھ کر منہ کھولا تو حارث رؤف نے کیک خود ہی کھا لیا۔

انٹرنیٹ پر صارفین شاداب خان اور حارث رؤف کی اس ویڈیو کو بے حد پسند کررہے ہیں۔