حالیہ بارشوں کے دوران کراچی ایئرپورٹ کے اندر بڑی تعداد میں خود رو جنگلی پودے اور گھاس اُگ آئی، جو اب مسلسل پانی نہ ملنے کی وجہ سے خشک ہو چکی ہے۔
خشک خودرو جنگلی پودوں اور گھاس میں کسی بھی وقت حادثاتی طور پر آگ لگنے کا خدشہ پیدا ہو گیا تھا، جس پر اسے تلف کرنے کے لئے کنٹرول فائر کے ذریعے اتوار کو جلا دیا گیا۔
سول ایوی ایشن اتھارٹی کے فائر بریگیڈ کی جانب سے آگ جلانے کا عمل دوپہر تقریباً 2 بج کر 54 منٹ پر شروع کیا گیا۔
ترجمان سی اے کے مطابق کراچی ایئر پورٹ کی باڑ کے باہر بھٹائی آباد پہلوان گوٹھ کی جانب کافی ایریا میں خود رو گھاس اور خشک پودوں کو جلا دیا گیا ہے۔
ترجمان کے مطابق مطلوبہ ایریا میں گھاس جلائے جانے کے بعد فائر بریگیڈ نے آگ کو بجھا دیا، کنٹرولڈ فائر سے مزید جنگلی جھاڑیوں کو نذر آتش کیا جاسکتا ہے۔