کراچی کے علاقے گارڈن میں نامعلوم چور نجی ٹی وی چینل کی خاتون اینکر کے گھر کے تالے کاٹ کر 15 تولے سے زائد سونا، نقد رقم اور دیگر قیمتی سامان لوٹ کر لے گئے۔
ملزمان چوری کی واردات کرنے کار پر آئے تھے۔
پولیس کے مطابق گارڈن ایسٹ میں واقع نجی ٹی وی چینل کی خاتون اینکر کے فلیٹ میں چوری کی واردات ہوئی ہے۔
نامعلوم ملزمان کار میں آئے، فلیٹ کے مرکزی دروازے کی کنڈی کاٹ کر اندر داخل ہوئے۔
ملزمان نے گھر سے لاکھوں روپے مالیت کے 15 تولے سے زائد کے سونے کے زیورات، 20 ہزار روپے کی نقد رقم، لیڈیز گھڑی اور دیگر سامان چوری کر لیا۔
چوری کیے گئے زیورات میں سونے کی چین، کڑے اور انگوٹھیاں شامل ہیں۔
خاتون ٹی وی اینکر کے گھر چوری کے واقعے کا مقدمہ سولجر بازار تھانے میں درج کر لیا گیا ہے۔