عمران خان کیخلاف مقدمات کی تفصیلات عدالت میں جمع

March 28, 2023

عمران خان—فائل فوٹو

چیئرمین پی ٹی آئی عمران خان کے خلاف مقدمات کی تفصیلات اسلام آباد ہائی کورٹ میں جمع کرا دی گئیں۔

عدالت میں جمع کرائی گئی رپورٹ میں عمران خان کے خلاف اسلام آباد کی حدود میں درج مقدمات کی تفصیلات درج ہیں۔

رپورٹ میں کہا گیا ہے کہ پولیس کے مطابق عمران خان کے خلاف 28 جبکہ ایف آئی اے کے ریکارڈ کے مطابق 1 مقدمہ درج کیا گیا۔

رپورٹ کے مطابق پولیس کے مقدمات میں سے ایک مقدمہ خارج ہو چکا ہے، 7 مقدمات تفتیش کے مراحل میں ہیں، 20 ٹرائل کورٹ میں زیرِ سماعت ہیں۔

رپورٹ میں بتایا گیا ہے کہ ایف آئی اے فارن ایکسچینج ایکٹ کے تحت درج مقدمہ بینکنگ کورٹ میں زیرِ سماعت ہے۔

رپورٹ آئی جی اسلام آباد اور ایف آئی اے کی جانب سے جمع کرائی گئی ہے۔