فرمان الہی
نماز کے اوقات
آرٹس کونسل آف پاکستان کراچی میں جاری پاکستان تھیٹر فیسٹیول کے 20ویں روز بازیلہ مصطفیٰ کا تھیٹر پلے ”Nocturnal“ پیش کیا گیا۔
آرٹس کونسل کراچی میں جاری پاکستان تھیٹر فیسٹیول کے 20ویں روز تھیٹر پلے نوکٹرنال اردو اور انگلش زبان پیش کیا گیا۔
تھیٹر کی رائٹر و ڈائریکٹر بازیلہ مصطفیٰ تھیں جبکہ ڈرامہ کی کاسٹ میں علی شیر، اشمل لالوانی، رام گوند، یوگیشور کریرا اور فیضان یونس شامل تھے۔
نوکٹرنال تھیٹر کی کہانی میں ملکی حالات حاضرہ کی ترجمانی کی گئی جس میں بتایا گیا کہ سیاسی جماعتیں اور حکمران کس طرح عوام کا استحصال کر رہے ہیں۔
تھیٹر میں ان سب کے کردار کو طنز و مزاح کے ذریعے دکھایا گیا۔ موومنٹ تھیٹر کے ذریعے فن کاروں نے مختلف حالات و واقعات کو زبردست طریقے کے ساتھ پیش کیا۔
شائقین کی بڑی تعداد نے فنکاروں کی جاندار پرفارمنس کو خوب سراہا۔
