کراچی(اسٹاف رپورٹر) اعلیٰ ثانوی تعلیمی بورڈ کراچی نے اعلان کیا ہے کہ کراچی میں انٹرمیڈیٹ کے سالانہ امتحانات برائے 2024ء اب 28مئی کے بجائے یکم جون سے شروع ہوں گے، گرم موسم کی وجہ سے میٹرک کے امتحانات کے ملتوی شدہ پرچے اب 28مئی سے ہوں گے،جبکہ انٹرکے امتحانات کیلئے 21ایسے ہائر سیکنڈری اسکولز کو بھی امتحانی مرکز بنایا گیا ہے جہاں میٹرک کے امتحانات بھی ہونے ہیں، ان یکساں 21 امتحانی مراکز میں بیک وقت میٹرک اور انٹربورڈز کے امتحانات کا انعقاد ممکن نہیں ہے اس لیے انٹربورڈ کراچی نے انٹرمیڈیٹ حصہ اول، حصہ دوم کے سالانہ امتحانات برائے 2024ء کی تاریخ آگے بڑھانے کا فیصلہ کیا ہے۔