وفاقی وزیر برائے بحری امور علی زیدی سے پاکستان میں ترکی کے سفیر احسان مصطفیٰ یردکل نے ملاقات کی ہے۔
ملاقات میں ترک شپنگ لائنز کی پاکستان میں سرمایہ کاری پر بات چیت کی گئی۔
علی زیدی نے کہا کہ سمندری امور میں پاک ترک تعاون کے نئے دور کا آغاز ہونے جا رہا ہے۔
انہوں نے مزید کہا کہ نئی شپنگ پالیسی پاکستان میں شپنگ سیکٹر میں سرمایہ کاری کے وسیع مواقع فراہم کرے گی۔
ملاقات میں ترکی کی پاکستان کے سی فیئرز کے لیے ویزہ میں آسانیاں پیدا کرنے کے ایس او پیز پر بھی تفصیلی گفتگوکی گئی۔
ترک کمپنیاں پاکستان کے ساتھ شپ بلڈنگ اور مینٹی نینس میں بھی تعاون کریں گی۔
اس موقع پر پورٹ انڈسٹریل زونز میں ترک کمپنیوں کی سرمایہ کاری پر بھی تفصیلی گفتگو ہوئی۔