وقت کم ہے مگر مقابلہ سخت ہے کراچی میں شہری کورونا وائرس کا خوف گھر چھوڑ کر عید کی شاپنگ کے لیے باہر نکل آئے۔
شہر بھر کی شاہراہوں پر دن بھر ٹریفک جام کی صورت حال رہی، متعدد شاہراہوں پر کئی گھنٹے ٹریفک جام رہا۔
شاپنگ کرنے والے شہریوں نے کورونا وائرس ایس او پیز کی پابندیاں ہوا میں اڑا دیں، شہر بھر کے بازاروں میں رش کو انتظامیہ کنٹرول کرنے کے لیے کہیں نظر ہی نہ آئی۔
یہی نہیں بلکہ انٹر سٹی ٹرانسپورٹ پر پابندی کے باوجود کراچی سے دوسرے شہروں کے لیے پبلک ٹرانسپورٹ بھی رواں دواں رہی ۔ کوئی روک ٹوک دیکھنے میں نہیں آئی۔