پاکستانی اداکار منیب بٹ نے کورونا وائرس ویکسین کی پہلی ڈوز لگوالی اور مداحوں پر زور دیا ہے کہ ویکسین لگواکر وائرس کے خلاف اس جنگ میں حکومتِ پاکستان کی مدد کریں۔
فوٹوز اینڈ ویڈیوز شیئرنگ ایپ انسٹاگرام پر انھوں نے ویکسین لگواتے ہوئے اپنی تصویر شیئر کی۔
منیب بٹ نے اپنے پیغام میں لکھا کہ ’یہ تصویر پوسٹ کرنے کی واحد وجہ کوویڈ ویکسینیشن کی اہمیت کو اجاگر کرنا ہے۔‘
انھوں نے اپنے مداحوں پر زور دیا کہ وہ بھی کورونا وائرس ویکسین لگوالیں۔
منیب کا کہنا تھا کہ آپ ویکسینیشن کروائیں اور اس وائرس کے خلاف لڑنے میں حکومت پاکستان کی مدد کریں۔