ماہرین صحت نے شہرِ قائد میں گرمی کی شدت میں اضافے کے پیشِ نظر شہریوں کے لیے اہم ہدایات جاری کردی ہیں۔
اس حوالے سے ماہرین صحت نے ہدایت کی کہ شدیدگرمی میں لوگ بلاضرورت گھر سے باہر نہ نکلیں، دن میں کم سے کم آٹھ گلاس پانی پیئیں۔
ماہرین صحت نے کہا کہ ہلکے رنگ کے اور ڈھیلے کپڑے پہنیں جبکہ گھر سے باہر نکلیں تو سر ڈھانپ کر رکھیں۔
ضرورت سےزیادہ پسینہ، سانس پھولنے، درد اور متلی پر سایہ دار جگہ پر رہیں۔
ماہرین صحت کا مزید کہنا تھا کہ دودھ لسّی اور مشروبات کا استعمال کریں جبکہ گلی سڑی سبزیاں اور پھل کھانے سے بچیں۔