ہالینڈ کے ولارڈنگن نامی قصبے میں ایک بلی 52 روز تک ایک مقفل گھر میں تنہا بند رہنے کے باوجود بچ گئی۔
یہ خوش قسمت بلی اس خالی اور بند گھر میں کاغذ کھاکر اور پانی تلاش کرکے پینے کی جدوجہد کرکے خود کو زندہ رکھ پائی۔
گزشتہ ماہ کے اواخر میں جب اس گھر میں نئے مکین داخل ہوئے تو وہ یہ دیکھ کر سخت حیران اور دکھی ہوگئے کہ ایک بلی جو کہ کھانے پینے کو کچھ نہ ملنے کے باعث نہایت کمزور اور لاغر نظر آرہی تھی انہیں دیکھتے ہی ان کے گرد بھاگنے دوڑنے لگی۔
نئے مالکا نے یہ گھر ایک نیلامی میں خریدا اور اس کے بعد یہ پہلی بار گھر میں داخل ہوئے تھے۔ جس کے بعد انہوں نے جانوروں کی فلاح و بہبود کے لیے کام کرنے والے مقامی ادارے سے رابطہ کیا، جنہوں نے بلی کو اپنی تحویل میں لیکر اس معاملے کی جانچ شروع کردی ہے۔
بتایا جاتا ہے کہ سابقہ مالکان یکم جولائی کو گھر چھوڑ کر چلے گئے تھے جس کے بعد سے یہ بلی اپنی بقا کی جدوجہد کررہی تھی۔