نور مقدم قتل: تھراپی ورکس کے ملازمین کے وکلاء کو مہلت مل گئی

September 22, 2021


اسلام آباد ہائی کورٹ نے نور مقدم قتل کیس میں تھراپی ورکس کے ملازمین کی ضمانت منسوخی کی درخواست پر سماعت کرتے ہوئے وکلاء کو کیس کی تیاری کے لیے مہلت دے دی۔

جسٹس عامر فاروق نے طاہر ظہور اور دیگر 5 ملزمان کی ضمانت منسوخ کرنے کی درخواست پر سماعت کی۔

عدالت نے ملزمان کے وکلاء کی جانب سے کیس کی تیاری کے لیے مہلت کی استدعا منظور کر لی۔

ایڈیشنل سیشن جج نے 5، 5 لاکھ روپے کے مچلکوں پر 6 ملزمان کی ضمانت منظور کی تھی۔

مدعی نے ملزمان کی ضمانت کی منسوخی کے لیے اسلام آباد ہائی کورٹ سے رجوع کر رکھا ہے۔