لندن (پی اے) لیبر پارٹی ورکرز کے لئے ایک نیا معاہدہ پیش کر رہی ہے، جس میں تنخواہ، ملازمت کی حفاظت اور مساوات میں بہتری کی شقیں شامل ہیں۔ پارٹی نے کہا کہ لیبر حکومت کے پہلے 100 دنوں کے اندروہ معیشت میں ایک بنیادی تبدیلی کے طور پرسماجی دیکھ بھال کے شعبے میں منصفانہ تنخواہ کے معاہدے کے لئے قانون سازی کرے گی۔ ڈپٹی لیڈر انجیلا رینر نے کہا کہ اجرت، ملازمت کی حفاظت اور کام کے حقوق میں بہتری پیدا کرنے کے ساتھ ساتھ کارکنوں کی صحت کو بھی بہتر بنایا جائے گا۔ لیبر کا کہنا ہے کہ منصفانہ تنخواہ کے معاہدوں کے تحتمزدور اور آجروں کے نمائندوں کو حکومت کم از کم تنخواہ، شرائط و ضوابط سے اتفاق کرنے کے لئے اکٹھا کرے گیجو کہ ایک شعبے میں بنیاد بنائے گی۔ دیگر اقدامات میں کم از کم اجرت میں کم از کم 10 پونڈز فی گھنٹہ کا اضافہ، حقیقی طور پر خود روزگار کے علاوہ سب کے لئے ورکرز کی واحد حیثیت کی تخلیق، پہلے دن سے تمام کارکنوں کے لئے لچکدار کام کرنے کا حقاور صفر گھنٹے کے معاہدوں پر پابندی شامل ہوگی۔ لیبر قانونی طور پر بیماری کی تنخواہ بڑھانے اور اس کی تمام کارکنوں کیلئے دستیابی، قانونی والدین کی چھٹی بڑھانے اور سوگ کی چھٹی کا حق متعارف کرانے کا بھی وعدہ کر رہی ہے۔ محترمہ رینر یہ بھی کہیں گی کہ لیبر نام نہاد ’’فائر اینڈ ری ہائر‘‘ کے رجحان کو ختم کردے گی، جس نے یونینوں کی شکایات کے درمیان تنازعات کا ایک سلسلہ شروع کردیا ہے کہ آجروں کی جانب سے تنخواہوں اور شرائط میں کمی کے لئے اسے استعمال کیا جارہا ہے۔ محترمہ رینر کانفرنس کو بتائیں گی کہ غربت کی اجرت اور غیر محفوظ کام کو ختم کرنا اگلی لیبر حکومت کا ڈرائیونگ مشن ہوگا جو لاکھوں زندگیاں تباہ کرتا ہے اور ہماری معیشت پر جمود طاری کر رہا ہے۔ لیبر برطانیہ کو کام کرنے والے لوگوں کے لئے بہترین مقام بنائےگی۔ کام کیلئے صرف مناسب اجرت فراہم ہی نہیں کرنی چاہئے جس پر لوگ ایک خاندان کی پرورش کر سکیںبلکہ وقار، لچک اور سلامتی ہو۔ بہتر تنخواہ اور زیادہ محفوظ کام مزدوروں کے لئے اچھا، کاروبار کے لئے اچھا اور معیشت کے لئے اچھا ہے۔ لیبرپارٹی کام کرنے والے لوگوں کے لئے ایک نئی ڈیل پیش کرے گی تاکہ انہیں اپنی بنائی ہوئی دولت کا مناسب حصہ ملے۔ شیڈو وزیر ایمپلائمنٹ رائٹس اینڈ پروٹیکشن اینڈی میک ڈونلڈ نے کہا کہ کنزرویٹو نے ایک ایسا کام شروع کیا ہے جس کا مطلب ہے محنت کش لوگوں کی پشت پر نیچے کی دوڑ۔ آؤٹ سورسنگ، صفر گھنٹے کے معاہدے اور ایجنسی کا کام ہماری پوری معیشت میں ہر ایک کے لئے تنخواہ، معیار اور حالات کو کم کرتا ہے۔ اب وقت آگیا ہے کہ کلیدی کارکنان، جنہوں نے ہمیں اس بحران سے نکالااور تمام کام کرنے والے لوگوں کو کام پر وہ عزت اور تحفظ دیا جائے جس کے وہ مستحق ہیں۔ ٹی یو سی کے جنرل سیکرٹری فرانسس او گریڈی نے کہا کہ بہت سے اہم کارکن، جنہوں نے ہمیں اس بحران سے نکالا، بشمول ہمارا کیئر سٹاف، غربت کی اجرت اور غیر محفوظ معاہدوں پرکام کر رہے ہیں۔ منصفانہ تنخواہ کے معاہدے اس ناانصافی کو ختم کرنے میں مدد کریں گے اور لاکھوں محنت کش خاندانوں کے لئے گیم چینجر ثابت ہوں گے۔ مزدوروں اور ان کی یونینوں کو اجتماعی طور پر سودے بازی کا زیادہ اختیار دینا پورے برطانیہ میں تنخواہ اور کام کے حالات کو بہتر بنانے کا بہترین طریقہ ہے۔ انہوں نے کہا کہ یہ انتہائی ضروری تجاویز اس بات کو یقینی بنانے کے بارے میں ہیں کہ سخت محنت ہر ایک کو فائدہ پہنچاتی ہے۔ سالانہ کانفرنس میں پیش کئے جانے والے منصوبوں کے تحتپارٹی پہلی بار خریداروں کو چھ ماہ کے لئے نئی تعمیرات پر فرسٹ ڈبز بھی دے گی۔ یہ قواعد میں اصلاحات کا بھی عہد کرے گا کہ ڈیولپرز سستے مکانات میں کس طرح شراکت کرتے ہیںاور کونسلز کو گھروں کے لئے زمین خریدنے کے لئے نئے اختیارات دینے کا عہد کیا جائے گا۔