مقبوضہ کشمیر: بس حادثے میں 22 افراد ہلاک، متعدد زخمی

مقبوضہ کشمیر میں بس کے حادثے میں 22 افراد ہلاک اور متعدد زخمی ہو گئے ہیں۔ زخمیوں کو ہسپتال پہنچانے کا کام جاری ہے۔

سرینگرسے موصولہ اطلاعات کے مطابق جمعرات کومقبوضہ کشمیر کے ضلع ریاسی میں ایک مسافر بس کے کھائی میں گرنے سے 22 افراد ہلاک اور30 زخمی ہو گئے ہیں۔

مقبوضہ کشمیر کے وزیر اجے ننداکے مطابق زخمیوں کو ہسپتال منتقل کر دیا گیا ہے۔ریاسی کے ایس ایس پی کے مطابق شدید زخمی ہونے والوں کو ہیلی کاپٹر کے ذریعے سرکاری ہسپتال پہنچایا جا رہا ہے۔

انہوں نے کہا کے ریسکیو آپریشن جاری ہے اور ضلع انتظامیہ اور پولیس موقع پر موجود ہیں۔