پاکستان سپر لیگ میں کل اسلام آباد یونائیٹڈ اور کوئٹہ گلیڈی ایٹرز کے درمیان مقابلہ ہو گا۔ دونوں ٹیمیں پی ایس ایل ون کے فائنل کے بعد پہلی مرتبہ آمنے سامنے آئیں گی۔
پی ایس ایل ٹو میں دو دن کے بریک کے بعد کل سے مقابلوں پھر آغاز ہو گا۔گزشتہ سال کے فائنلسٹ اسلام آباد یونائیٹڈ اور کوئٹہ گلیڈی ایٹرز کل شارجہ میں مد مقابل ہوں گے ۔
دونوں ٹیموں کے درمیان اس ایڈیشن میں تو پہلا مقابلہ ہے لیکن اس سے پہلے ہونے والے مقابلوں میں کوئٹہ کا پلڑا بھاری ہے ۔کوئٹہ نے دونوں لیگ میچز جیتے تھےتو اسلام آباد کو فائنل میں کامیابی ملی تھی ۔
پی ایس ایل ٹو میں اب تک کوئٹہ چار پوائنٹس کے ساتھ ٹاپ پر ہے۔ بیٹسمین روسو نے ایونٹ میں سب سے زیادہ 136 رنز بنا رکھے ہیں ۔البتہ وکٹوں کی ریس میں اسلام آباد کے شین واٹسن پانچ وکٹوں کے ساتھ نمایاں مقام پر ہیں ۔
شارجہ میںہونے والا ایونٹ کا ساتواںمیچ پاکستانی وقت کے مطابق رات نوبجے شروع ہوگا ،جس کوجیوسوپر براہ راست نشر کرے گا ۔