عراق کے دورے پر گئے ہوئے جرمن وزیر خارجہ زیگمار گیبرئیل نے کہا ہے کہ داعش کے خلاف بغداد حکومت کو مزید جرمن فوجی امداد کی فراہمی خارج از امکان ہے۔
عراقی قیادت کے ساتھ اپنی بات چیت میں زیگمار گیبرئیلنے ایسی اصلاحات کا عمل تیز تر کرنے پر زور دیا، جن کے نتیجے میں غیر ملکی سرمایہ کاری کے لیے زیادہ بہتر حالات پیدا کیے جا سکیں۔
انہوں نے کہا کہ جرمنی ،عراقی سکیورٹی فورسز کو تربیت فراہم کرتے ہوئے اپنا کردار انجام دے رہا ہے،ہم ایسا ہرگز نہیں کریں گے کہ یہاں امن و امان قائم کرنے کے لیے اپنے فوجیوں کے ساتھ یہاں پہنچ جائیں۔ جنگ سے تباہ حال عراق کی تعمیر نو کی ذمہ داری خاص طور پر امریکا پر عائد ہوتی ہے۔
کیونکہ امریکا کی جانب سے سن 2003ء میں ’بین الاقوامی قوانین کی خلاف ورزی کرتے ہوئے‘ جو جنگ شروع کی گئی، اُس کے اثرات آج بھی اس ملک میں جگہ جگہ دیکھے جا سکتے ہیں۔
فرمان الہی
نماز کے اوقات
