| |
Home Page
بدھ 27 محرم الحرام 1439ھ 18 اکتوبر 2017ء
June 19, 2017 | 10:07 pm
جھنگ کا پاور پلانٹ آج رات آزمائشی پیداوار شروع کریگا، شہباز شریف

Jhang Of Power Plant Will Start Production Test Tonight Shahbaz Sharif

Jhang Of Power Plant Will Start Production Test Tonight Shahbaz Sharif

وزیر اعلیٰ پنجاب شہباز شریف نے اعلان کیا ہے کہ جھنگ میں حویلی بہادر شاہ گیس پاور پلانٹ آج رات آزمائشی پیداوار شروع کررہا ہے اور ایک ہفتے میں یہ پلانٹ750میگاواٹ بجلی فراہم کرنے لگےگا۔

وزیر اعلیٰ شہبازشریف نے جھنگ میں حویلی بہادر شاہ گیس پاورپلانٹ کا دورہ کیا، اس موقع پرمیڈیاسےگفتگوکرتے ہوئے ان کا کہنا تھا کہ انہیں اندھیروں کےساتھ ساتھ اندھیروں کے حامیوں سے بھی جنگ لڑنا پڑ رہی ہے۔

صنعتوں کی طرح گھریلو صارفین کوبھی مطلوبہ بجلی فراہم کرکے دم لیں گے، حویلی بہادر شاہ پلانٹ نیشنل گرڈ کو جلد ہی 750میگاواٹ بجلی فراہم کرنا شروع کر دے گا۔

وزیر اعلیٰ نے لاہورمیں صحت عامہ سے متعلق اجلاس کی صدارت کی جس میں معیاری طبی سہولتوں کی فراہمی کے جاری پروگرام پر پیشرفت کا جائزہ لیاگیا۔

شہبازشریف کا کہناتھاکہ پرائیویٹ میڈیکل کالجوں میں بھی داخلوں کی میرٹ پالیسی پر عمل کرنا ہوگا۔

انہوں نے ہدایت کہ پرائیویٹ میڈیکل کالجو ں کو ریگولیٹ کرنے کے لیے مناسب لائحہ عمل طے کیاجائے، ایم فل اور پی ایچ ڈی اسکالرز کی کمی پوری کرنے کے لیے خصوصی پیکیج دیا جائے گا۔

وزیر اعلیٰ پنجاب کا یہ بھی کہنا تھا کہ صحت عامہ بہتری کے لیے تمام وسائل فراہم کیے جائیں گے۔