گندم درآمد اسکینڈل نیب یا ایف آئی اے کو بھجوانے کا فیصلہ کل ہونے کا امکان، ذرائع

ایک ارب ڈالر سے زائد کے گندم درآمد اسکینڈل کا معاملہ کل تک قومی احتساب بیورو (نیب) یا فیڈرل انویسٹیگیشن ایجنسی (ایف آئی اے) کو بھجوائے جانے کا فیصلہ ہونے کا امکان ہے۔

ذرائع نے بتایا کہ گندم درآمد اسکینڈل سے متعلق انکوائری رپورٹ ملنے پر نیب یا ایف آئی اے کو بھجوانے کا فیصلہ ہوگا۔

وفاقی کابینہ اجلاس میں گندم اسکینڈل سے متعلق کوئی رپورٹ پیش نہیں کی گئی

وفاقی دارالحکومت اسلام آباد میں وزیرِ اعظم شہباز شریف کی زیرِ صدارت وفاقی کابینہ کا اجلاس ختم ہو گیا۔

کابینہ ارکان اور اعلیٰ حکام نے وزیراعظم شہباز شریف کو گندم اسکینڈل کا معاملہ بہتر انداز میں حل کرنے کی تجویز دی ہے۔

پاکستان مسلم لیگ (ن) کے قائد نواز شریف ذمہ داروں کے خلاف سخت کارروائی کے خواہاں ہیں۔ 

نیب یا ایف آئی اے کو معاملہ بھجوانے پر نگراں حکومت کے ذمہ داران کو بھی شامل تفتیش کیا جائے گا۔