آئل ٹینکرز سے کل معاملات طے پاجائیں گے،سیکریٹری پٹرولیم

سیکرٹری پٹرولیم کا کہنا ہے کہا ہے کہ آئل ٹینکرز ایسوسی ایشنز کے ساتھ کل تک معاملات طے پا جائیں گے۔

سیکرٹری پٹرولیم سکندر سلطان راجہ نے جیو نیوز سے گفتگو کرتے ہوئے کہا کہ آئل ٹینکرز ایسوسی ایشنز کے ساتھ کل دوبارہ مذاکرات کرینگے اور امید ہے کہ معاملات طے پا جائیں گے، ان کے جائز مطالبات مانیں گے۔

سیکرٹری پٹرولیم نے کہا کہ پٹرولیم مصنوعات کی ترسیل اور فراہمی یقینی بنائیں گے، یہ معاملہ ایک ادارے کا نہیں، اس میں مختلف ادارے شامل ہیں۔

جیو نیوز کے سوال پر کہ کیا کل آئل ٹینکرز ایسوسی ایشن والے آجائیں گے؟سیکرٹری پیٹرولیم نے کہا کہ کیوں نہیں ان کا بھی بزنس ہے۔