افغانستان: داعش کے ٹھکانوں پر امریکی حملے، 45 دہشت گرد ہلاک

افغان صوبے ننگر ہار میں داعش کے خلاف امریکا نے فضائی حملے کیے ہیں ۔حملوں میں داعش کے پینتالیس دہشت گرد مارے گئے ، جبکہ داعش کے کئی ٹھکانے اور ہتھیار بھی تباہ کردیے گئے ۔

افغان میڈیا ذرائع کے مطابق مشرقی افغانستان کے صوبے ننگر ہار میں امریکی فورسز نے فضائی کارروائی کی جس میں داعش سے تعلق رکھنے والے دہشت گردوں کو نشانہ بنایا گیا، فضائی حملوں میں داعش کے ٹھکا نوں اور اسلحہ کو تباہ کردیا گیا۔

ادھرجنوبی افغانستان کے صوبےزابل میں کے شہر قلات میں انتہا پسندوں نے سات میزائل داغے جو شہر کے مختلف علاقوں میں جا کر گرے، حملے میں تین بچے جاں بحق ہوگئے ،حملے کی ذمہ داریابھی تک کسی جانب سےقبول نہیں کی گئی ہے ۔