چیئرمین تحریک انصاف عمران خان نے الیکشن کمیشن کی جانب سے شروع کی گئی توہین عدالت کی کارروائی کو اسلام آباد ہائی کورٹ میں چیلنج کر دیا۔
درخواست میں کہا گیا ہے کہ الیکشن کمیشن کے پاس توہین عدالت کی کارروائی کا اختیار نہیں ، الیکشن کمیشن کا حکم نامہ غیر قانونی قرار دیا جائے ۔
عمران خان نے بابر اعوان کے ذریعے الیکشن کمیشن کے 10 اگست کے حکم نامے کو اسلام آباد ہائی کورٹ میں چیلنج کیا ہے ۔
درخواست میں کہا گیا ہے کہ آئین کے آرٹیکل 204 کے تحت صرف ہائی کورٹس اور سپریم کورٹ کو توہین عدالت کی کارروائی کا اختیار ہے ۔