بلجیم کے وزیراعظم چارلس مشل نے صدر ٹرمپ کی اقوام متحدہ کی جنرل اسمبلی میں کی گئی تقریر کو انتہائی خطرناک قرار دیتے ہوئے کہا ہے کہ انہیں آگ سے نہیں کھیلنا چاہیے۔
مقامی ٹی وی چینل سے گفتگو کرتے ہوئے انہوں نے کہا کہ صدر ٹرمپ کا شمالی کوریا کو صفحۂ ہستی سے مٹا دینے کا بیان انتہائی سخت ہے۔
چارلس مشل نے مزید کہا کہ مجھے یقین نہیں ہے کہ یہ طریقہ دنیا میں قیام امن کے لیے فائدہ مند ثابت ہو سکتا ہے۔
وزیر اعظم بلجیم نے صدر ٹرمپ کے اس بیان پر انتہائی تعجب کا اظہار کرتے ہوئے کہا کہ ان کی سطح کا شخص اس طرح کی سخت زبان استعمال کر رہاہے۔
انہوں نے تجویز کیا کہ پیانگ یانگ کے ساتھ مذاکرات کئے جائیں اور ان میں چین کو شامل کیا جائے۔