‎فیصل آباد،لاہور قلندرز رائزنگ اسٹار کے ٹرائلز

فیصل آباد اقبال اسٹیڈیم میں لاہور قلندر جاز رائزنگ اسٹار کے ٹرائلز کے لئے ہزراوں کی تعداد میں نوجوان کرکٹرز اسٹیڈیم پہنچ گئے ، نوجوانوں کے جوش اور رش کی وجہ سے اسٹیڈیم کا گیٹ اور گرل ٹوٹ گئی ۔

لاہور قلندر جاز رائزنگ اسٹار کیلئے ٹرائلزدو روز 22 اور 23 ستمبر جاری رہیں گے ۔

ٹرائلز کے اختتام پر 16 خوش قسمت نوجوانوں پر مشتمل لاہور قلندر فیصل آباد ٹیم کا اعلان کیا جائے گا ۔ ڈائریکٹر آپریشن عاقب جاوید ٹرائلز کی نگرانی کر رہے ہیں ۔

ان کا کہنا ہے کہ لاہور قلندر نے نوجوان کرکٹرز کو ٹیلنٹ کے اظہار کا بہترین پلیٹ فارم مہیا کیا ہے نوجوانوں کا جوش و خروش حیران کن ہے۔

انہوں نے مزیدکہا کہ ٹرائلز کے پہلے مرحلہ میں نوجوانوں کو شارٹ لسٹ کیا جائے ، مختلف مراحل سے گزرنے کے بعد ہی سولہ رکنی ٹیم کا انتخاب ہو سکے گا۔