شمالی کوریا میں امریکا مخالف ریلی، ایک لاکھ افراد کی شرکت

شمالی کوریا کے دارالحکومت پیانگ یانگ میں امریکا مخالف ریلی نکالی گئی جس میں ایک لاکھ سے زائد افراد نے شرکت کی۔

شمالی کوریاکی نیوز ایجنسی کے سی این اے کے مطابق اس ریلی میں زندگی کے ہر طبقے کے افراد شریک تھے۔ اس موقع پر حکمران ورکرز پارٹی کی پیانگ یانگ سٹی کمیٹی کے نائب چیئرمین چو ہاک چول نے خطاب کرتے ہوئے کہا کہ یہ ریلی اس کا ثبوت ہے کہ اس ملک کی عوام دشمن کو نابود کرنے کا جذبہ رکھتے ہیں۔

چول نے مزید کہا کہ شمالی کوریائی عوام امریکی سامراجیت اور جارحیت پسندی کو دنیا بھر سے ختم کرنے کے لیے تیار ہیں۔ اس ریلی میں شمالی کوریا کے لیڈر کم جونگ ان کا ایک بیان بھی پڑھ کر سنایا گیا۔