ایشز سیریز کا تیسرا ٹیسٹ کل سے پرتھ میں کھیلا جائے گا

13 دسمبر ، 2017

انگلینڈ اور آسٹریلیا کے درمیان ایشز سیریز کا تیسرا کرکٹ ٹیسٹ کل سے پرتھ میں شروع ہوگا، پانچ میچز کی سیریز میں آسٹریلیا کو دو صفر کی برتری حاصل ہے ۔ پرتھ ٹیسٹ کے لئے آسٹریلیا اور انگلینڈ کے کھلاڑیوں نے تیاریوں کو آخری شکل دے دی ہے۔

سیریز میں دو صفر کی برتری رکھنے والی آسٹریلین ٹیم کو صرف ایک جیت ایشز ٹرافی کا حقدار بنادے گی ۔

آسٹریلین کپتان اسیٹو اسمتھ پر امید ہیں کہ ان کی ٹیم جیت کے اس سلسلے کو برقرار رکھتے ہوئے پرتھ ٹیسٹ بھی اپنے نام کرلے گی۔

دوسری جانب انگلش کیمپ سیریز میں دو صفر سے ڈاؤن ہونے کے سبب کچھ پریشان ہے مگر ساتھ ہی پُر عزم بھی ہے۔

انگلینڈ کو سیریز میں رہنا ہے تو یہ میچ جیتنا ہے، کپتان جو روٹ نے کھلاڑیوں پر زور دیا ہے کہ وہ گزشتہ میچز کی خراب پرفارمنس بھلا کر اس ٹیسٹ پر فوکس کریں۔

میچ پاکستانی وقت کے مطابق صبح ساڑھے سات بجے شروع ہوگا۔

تازہ ترین