چیئرمین پاکستان تحریک انصاف عمران خان نے کہا ہے کہ اپنی شادی کے معاملے پر بات کرتے ہوئے تکلیف ہوتی ہے، دو سال پہلے بشریٰ بی بی سے پہلی ملاقات ہوئی ، آج تک ان کا چہرہ نہیں دیکھا ۔
ایک انٹرویو کے دوران عمران خان کا کہنا تھا کہ انہوں نے بشریٰ بی بی کو شادی کی پیشکش ان کے شوہر خاور مانیکا سے طلاق کے بعد دی۔
پی ٹی آئی چیئرمین کا کہنا تھا کہ ابھی صرف رشتہ بھیجا ہے، بات آگے بڑھی تو وہ بتائیں گے، شادی کی پیشکش سے متعلق ان کے خاندان اور بہنوں کو بھی علم نہیں تھا۔
ان کا کہنا تھا کہ جمہوری آدمی ہوں اور اپنے فیصلے خود کرتا ہوں، کوئی مجھ سے زبردستی کام نہیں کرواسکتا۔