دفتر خارجہ نے پاکستان میں تعینات قائم مقام ڈپٹی بھارتی ہائی کمشنر کو طلب کرکے لائن آف کنٹرول پر فائرنگ اور سیز فائر خلاف ورزیوں پر شدید احتجاج کیا۔
ترجمان دفتر خارجہ کے مطابق ڈائریکٹر جنرل جنوبی ایشیا ڈیسک ڈاکٹر فیصل نے بھارتی قائم مقام ڈپٹی ہائی کمشنر کو طلب کرکے احتجاج کیا۔
ترجمان کے مطابق 11 جنوری کو کوٹ کٹیرا سیکٹر پر بھارتی فورسز نے جنگ بندی معاہدے کی خلاف ورزی کی اور بھارتی اشتعال انگیزی کے نتیجے میں 65 سالہ خاتون حسین بی بی شہید ہوگئیں۔
ترجمان کے مطابق رواں برس 12 روز کے دوران بھارتی فورسز نے 70 مرتبہ ایل او سی پر جنگ بندی کی خلاف ورزی کی اور ان خلاف ورزیوں کے نتیجے میں ایک شخص شہید اور 5 شدید زخمی ہوئے۔