اقوام متحدہ نے کہا ہے کہ لیبیا میں انسانی اسمگلنگ کے دھندے میں ملوث بیشتر مسلح گروپ کے سرکاری سکیورٹی اداروں سے روابط ہیں۔
اس بات کا انکشاف سلامتی کونسل کی ایک کمیٹی کو پیش کردہ خفیہ رپورٹ میں کیاگیاہے۔انھوں نے لکھا ہے کہ انسانی اسمگلرز نے 2014ء کے بعد ہزاروں غیر قانونی تارکین ِوطن کو سمندر کے راستے اٹلی اور دوسرے یورپی ممالک میں بھیجا ہے۔
اس پُرخطر سفر کے دوران ہزاروں افراد کشتیاں الٹ جانے یا دوسرے حادثات کا شکارہوکر ہلاک ہوچکے ہیں۔ اری ٹیریا سے تعلق رکھنے والے تارکین وطنِ نے پابندیوں کو مانیٹر کرنے والے ماہرین کو بتایا ہے کہ انھیں لیبیا کی خصوصی ڈیٹرینس فورس (ایس ڈی ایف) نے گرفتار کر لیا تھا ۔
یہ فورس لیبیا کی بین الاقوامی سطح پر تسلیم شدہ حکومت کی وزارت داخلہ کے تحت ہے۔ان تارکین وطن کو اس فورس نے انسانی اسمگلروں کے مختلف گروہوں کے حوالے کردیا تھا۔