وزیراعظم نے پارٹی رہنمائوں کا اہم اجلاس طلب کرلیا

وزیراعظم شاہد خاقان عباسی نے سپریم کورٹ کے فیصلے کے بعد پارٹی رہنمائوں کا اہم اجلاس طلب کرلیا ہے ۔

سابق وزیراعظم نوازشریف کی پارٹی صدارت سے نااہلی کے فیصلے کے بعد ملک کی سیاسی صورتحال پر غو کیا گیا ہے ۔

ذرائع کے مطابق وزیراعظم شاہد خاقان عباسی نے وفاقی وزراء سے ملاقات کی ،جن میں وزیر داخلہ احسن اقبال، وزیر ریلوے سعد رفیق ،وزیر صحت سائرہ افضل ،طلال چوہدری ودیگر شامل ہیں۔

ذرائع کے مطابق سپریم کورٹ سے نوازشریف کی نااہلی کا فیصلہ آنے کے بعد شریف برادران نے ایک گھنٹہ طویل ملاقات بھی کی ہے ۔

جاتی امرا میں ہونے والی ملاقات میں سیاسی صورتحال اور آئندہ کے لائحہ عمل پر بات چیت کی گئی ۔