یورپین پارلیمنٹ میں مسئلہ کشمیر پر بحث

17 ستمبر ، 2019

یورپین پارلیمنٹ میں مسئلہ کشمیر پر بحث چند گھنٹوں میں شروع ہوجائے گی۔ پارلیمنٹ کے اسٹراسبرگ میں منعقد ہونے والے اس سیشن میں کشمیر پر ہونے والی بحث میں 8 پارلیمانی گروپوں کے 20 سے زائد اراکین حصہ لیں گے۔

مسئلہ کشمیر پر بحث کا آغاز پاکستانی وقت کے مطابق 9 بجکر 50 منٹ پر ہوگا۔

یہ بھی پڑھیے: یورپین کمیشن برسلز کے سامنے کشمیریوں کا مظاہرہ

اس حوالے سے پارلیمنٹ میں پاکستان کے سفیر ظہیر اسلم جنجوعہ اور بھارتی سفیر بھی ممبران پارلیمنٹ سے ملاقاتیں کر رہے ہیں۔

اس وقت یورپین پارلیمنٹ کے 751 اراکین آٹھ نظریاتی گروپوں میں تقسیم ہیں۔ ان گروپوں میں3 بائیں بازو، 1 لبرل، 2 دائیں بازو، 1 قوم پرست اور ایک انتہائی دائیں بازو سے تعلق رکھتا ہے۔

یہ معاملہ زیادہ تر برطانیہ سے منتخب ہونے والے ممبران پارلیمنٹ کی کوششوں سے پارلیمنٹ میں آیا ہے، جس پر یورپین خارجہ امور کی سربراہ آج اس حوالے سے باقاعدہ اظہار خیال کریں گی۔