شہباز شریف کی بھارتی آبدوز کا سراغ لگانے اور بھگانے پر پاک بحریہ کی تعریف

مسلم لیگ (ن) کے صدر اور اپوزیشن لیڈر شہباز شریف نے کہا ہے کہ پاک بحریہ نے پیشہ وارانہ مہارت اور صلاحیتوں کا لوہا منوایا ہے۔

ایک بیان میں شہباز شریف نے بھارتی آبدوز کا سراغ لگانے اور پاکستانی حدود سے بھگانے پر پاک بحریہ کو خراج تحسین پیش کیا ہے۔

انہوں نے کہا کہ پاک بحریہ نے پیشہ وارانہ مہارت اور ارض پاک کے تحفظ کےلیے اپنی صلاحیت کا لوہا منوایا ہے۔

پاک بحریہ نے دشمن کے عزائم کو بے نقاب کردیا، بلاول بھٹو

پیپلز پارٹی کے چیئرمین بلاول بھٹو زرداری نے کہا ہے کہ پاک بحریہ نے دشمن کے عزائم کو بے نقاب کردیا ہے۔

اپوزیشن لیڈر نے مزید کہا کہ پاکستان آرمی، فضائیہ اور بحریہ نے ارض وطن کے تحفظ کےلئے ہمیشہ پیشہ ورانہ صلاحیتوں کا مظاہرہ کیا ہے۔

اُن کا کہنا تھا کہ قوم اپنی بحریہ کی پیشہ وارانہ تیاری اور چوکسی کو خراج تحسین پیش کرتی ہے۔

شیخ رشید کا بھارتی آبدوز کا سراغ لگانے پر پاک بحریہ کو سلام

وزیر داخلہ شیخ رشید نے بھارتی آبدوز کا سراغ لگانے پر پاک بحریہ کو سلام پیش کیا ہے۔

شہباز شریف نے مطالبہ کیا کہ غیرمعمولی صلاحیت اور پیشہ وارانہ تیاری کا مظاہرہ کرنے والے افسران اور عملے کے لیے انعام اور اعزازات کا اعلان کیا جائے۔