مہنگی بجلی سابق حکومتوں کے غلط معاہدوں کا نتیجہ ہے: اعجاز چوہدری

22 اکتوبر ، 2021

پاکستان تحریکِ انصاف سینٹرل پنجاب کے صدر اعجاز چوہدری نے کہا ہے کہ بجلی کی قیمتوں میں اضافہ سابق حکومتوں کے غلط معاہدوں کا نتیجہ ہے۔

یہ بات انہوں نے ماڈل ٹاؤن لاہور میں این اے 133 کے ورکرز کنونشن سے خطاب کرتے ہوئے کہی۔

اعجاز چوہدری نے کہا کہ وزیرِ اعظم عمران خان نے عالمی برادری پر واضح کر دیا ہے کہ ہم ان کے جرائم میں نہیں، امن کے حصے دار بن سکتے ہیں۔

انہوں نے مزید کہا کہ وزیرِ اعظم عمران خان نے اقوامِ متحدہ میں ناموسِ رسالت سے متعلق امتِ مسلمہ کے جذبات کی ترجمانی کی۔

پاکستان تحریکِ انصاف سینٹرل پنجاب کے صدر کا یہ بھی کہنا ہے کہ حکومت غریب عوام کو ریلیف دینے کا پروگرام لا رہی ہے۔

اس موقع پر این اے 133 سے تحریکِ انصاف کے امید وار جمشید اقبال چیمہ نے خطاب کرتے ہوئے کہا کہ نصف سے زائد قبضہ گروپ مریم نواز کے فرنٹ مین ہیں۔

تازہ ترین

بابر اعظم کیخلاف بولنگ انجوائے کرتا ہوں، عادل رشید