راجہ قدرت اللہ کی نماز جنازہ ادا، تدفین چڑھوئی میں ہوگی

لوٹن( نمائندہ جنگ) لوٹن میں مقیم چڑھوئی آزاد کشمیر کے راجہ قدرت اللہ خان کی نماز جنازہ جامعہ اسلامیہ غوثیہ لوٹن میں علامہ قاضی عبدالعزیز چشتی کی امامت میں ادا کر دی گئی، نماز جنازہ میں چیئرمین بلڈنگ برجز لوٹن راجہ اکبر داد خان ، سابق میئر لوٹن محمد ریاض بٹ، صدر پاکستان مسلم لیگ نواز آزاد کشمیر لوٹن راجہ زاروب، راجہ رشید خان، بابو اللہ دتہ، حاجی جاوید سمیت دیگر نے شرکت کی، مرحوم کی تدفین چڑھوئی میں کی جائے گی ، دریں اثناء چیئرمین بلڈنگ برجز لوٹن راجہ اکبر داد خان نے مرحوم کو خراج عقیدت پیش کرتے ہوئے کہا کہ دینی مدارس کے ساتھ مرحوم بڑھ چڑھ کر تعاون کرتے تھے اور اعلیٰ اخلاق و کردار کے مالک تھے، اللہ پاک مرحوم کو جنت الفردوس میں اعلیٰ مقام عطا فرمائے آمین ۔