عوام نے پی ٹی آئی کو اُن کا حقیقی چہرہ دکھادیا، امیر مقام

مسلم لیگ (ن) خیبر پختون خوا کے صدر امیر مقام نے کہا ہے کہ عوام نے پی ٹی آئی کو ان کا حقیقی چہرہ دکھادیا۔

پشاور میں پی ٹی آئی جلسے پر ردِعمل دیتے ہوئے امیر مقام نے کہا کہ جلسے میں وزراء، 20 ارکان اسمبلی اور سیکڑوں عہدیدار تھے۔

انہوں نے کہا کہ مشیر، پٹواری اور دیگر سرکاری ملازمین بھی جلسے میں موجود تھے جبکہ پی ٹی آئی 4 ہزار افراد بھی جمع نہیں کرسکی۔

پی ڈی ایم موسمی بیماری، جلد ختم ہونے والی ہے، اسد عمر کا دعویٰ

وفاقی وزیر اسد عمر نے اپوزیشن اتحاد (پی ڈی ایم) کو موسمی بیماری قرار دیتے ہوئے اس کے جلد ختم ہونے کا دعویٰ کردیا۔

کے پی ن لیگ کے صدر نے مزید کہا کہ آئندہ الیکشن میں عوام ان کو آئینہ دکھا کر ان کی اصلیت دکھا دیں گے۔

اُن کا کہنا تھا کہ مسلم لیگ ن شیڈول کے مطابق بلدیاتی الیکشن کے حق میں ہے، کسی تاخیر کی ضرورت نہیں۔

6 وزرا کی ٹی ایل پی کی کالعدم حیثیت قائم رکھنے کی حمایت

تحریک لبیک پاکستان (ٹی ایل پی) کی کالعدم حیثیت قائم رکھنے یا ختم کرنے کے معاملے پر وفاقی کابینہ تاحال تقسیم ہے۔

امیر مقام نے یہ بھی کہا کہ مہنگائی کر کے عوام کی جیبوں سے روزانہ کھربوں روپے نکالے جا رہے ہیں۔

انہوں نے کہا کہ حکومت آئی ایم ایف سے اسی مہنگائی کے بدلے ملینز ڈالر وصول کر رہی ہے کچھ پتا نہیں چل رہا کہ یہ رقم جا کہاں رہی ہے۔