• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آرمی چیف سے یورپی یونین کی سفیر کی ملاقات، دو طرفہ تعاون پر تبادلہ خیال


آرمی چیف جنرل قمر جاوید باجوہ سے یورپی یونین کی سفیر اندرولا کامینارا نے ملاقات کی ہے جس میں دوطرفہ تعاون پر بھی تبادلہ خیال کیا گیا۔

پاک فوج کے شعبہ تعلقات عامہ آئی ایس پی آر کے مطابق ملاقات میں باہمی دلچسپی کے امور، افغانستان کی موجودہ صورتحال، علاقائی سلامتی کی صورتحال پر تبادلہ خیال کیا گیا۔

اس ملاقات میں یورپی یونین کے ساتھ دوطرفہ تعاون پر بھی تبادلہ خیال کیا گیا۔

اس موقع پر یورپی یونین کی سفیر نے افغان صورتحال میں پاکستان کے کردار اور علاقائی استحکام کے لیے کوششوں کو سراہا۔

یورپی یونین کی سفیر نے پاکستان کے ساتھ ہر سطح پر سفارتی تعاون میں مزید بہتری کے لیے اپنا کردار ادا کرنے کا عہد کیا۔

قومی خبریں سے مزید