• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شعیب اختر ٹیم پاکستان کی بیٹنگ پر خوش

تازہ ترین
کھیلوں کی خبریں
11 نومبر ، 2021
شعیب اختر ٹیم پاکستان کی بیٹنگ پر خوش

پاکستان کرکٹ ٹیم کے سابق ٹیسٹ کرکٹر اور فاسٹ بولر شعیب اختر آئی سی سی ٹی ٹوئنٹی کرکٹ ورلڈکپ کے سیمی فائنل میں آسٹریلیا کے خلاف پاکستان کرکٹ ٹیم کی بیٹنگ دیکھ کر خوش ہوگئے۔

شعیب اختر نے اپنے ٹوئٹر پیغام میں پاکستانی کرکٹ ٹیم کی بیٹنگ کی تعریف کرتے ہوئے کہا کہ ٹیم کے فائٹر نے بہت اچھا پرفارم کیا ہے۔

راولپنڈی ایکسپریس نے مزید کہا کہ اب بولرز کی باری ہے آسٹریلیا کو اٹھنے نہیں دینا۔

شعیب اختر ٹیم پاکستان کی بیٹنگ پر خوش

واضح رہے کہ آئی سی سی مینز ٹی ٹوئنٹی ورلڈکپ 2021 کے دوسرے سیمی فائنل میں پاکستان نے آسٹریلیا کو جیت کے لیے 177 رنز کا ہدف دے دیا۔

دبئی انٹرنیشنل کرکٹ اسٹیڈیم میں کھیلے جانے والے اس میچ میں آسٹریلیا نے ٹاس جیت کر پاکستان کو پہلے بیٹنگ کرنے کی دعوت دی تھی۔

پاکستان آسٹریلیا 2010 کا سیمی فائنل: مائیک ہسی کی بیٹنگ کی ویڈیو

مائیک ہسی کی شاندار بیٹنگ کی ویڈیو کرکٹ ویب سائٹ نے اپنے ٹوئٹر اکاؤنٹ پر شیئر کی ہے۔

پاکستانی اوپنرز بابر اعظم اور محمد رضوان نے ٹیم کے لیے 71 رنز کا شاندار آغاز فراہم کیا۔

اننگز کے دسویں اوور میں بابر اعظم 34 گیندوں پر 39 رنز بنا کر آؤٹ ہوگئے اور قومی ٹیم کو 71 پر پہلا نقصان اٹھانا پڑا۔

شاہین شاہ آج سرپرائز دیں گے، بھائی شاہین شاہ آفریدی

پہلے اسپیل میں شاہین آفریدی نے وکٹیں حاصل کرلیں تو پاکستان ٹیم کے لیے آسٹریلیا کو قابو کرنا آسان ہوجائے گا۔

کپتان کے جانے کے بعد محمد رضوان نے ذمہ دارانہ بیٹنگ کا مظاہرہ کرتے ہوئے اننگز کو آگے بڑھانے کا سلسلہ جاری رکھا۔

محمد رضوان مچل اسٹارک کو بڑا شاٹ لگاتے ہوئے کیچ آؤٹ ہوئے، انہوں نے 52 گیندوں پر 67 رنز کی شاندار اننگز کھیلی۔

شعیب اختر نے شاندار بیٹنگ پر بابر اور رضوان کی تعریف کردی

شعیب اختر نے اپنے ٹوئٹر پیغام میں اوپننگ بلے بازوں کی تعریف کرتے ہوئے کہا کہ شاباش سپرپاور میں اچھاکھیل پیش کیا ہے۔

اختتامی لمحات میں اس مرتبہ فخر زمان کا بلا چل گیا اور انہوں نے 32 گیندوں پر 3 چوکوں اور 4 چھکوں کی مدد سے 55 رنز کی دھواں دھار اننگز کھیلی۔

اس مرتبہ آصف علی بغیر کوئی رن بنائے جبکہ شعیب ملک ایک رنز بنا کر آؤٹ ہوگئے، محمد حفیظ 1 رن پر ناٹ آؤٹ رہے۔

آسٹریلیا کے مچل اسٹارک نے 2 کھلاڑیوں کو آؤٹ کیا جبکہ ایڈم زیمپا اور پیٹ کمز کے حصے میں ایک ایک وکٹ آئی۔

تازہ ترین