• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

حکومتی دعووں کے برعکس ملک میں مہنگائی مزید بڑھ گئی


حکومتی دعووں کے برعکس ملک میں مہنگائی مزید بڑھ گئی، حالیہ ہفتہ مہنگائی میں 1 اعشاریہ 81 فیصد اضافہ ہوا، یوں مجموعی شرح 17 اعشاریہ 37 فیصد ہو گئی۔

سب سے کم آمدن والے افراد کے لیے مہنگائی 18 اعشاریہ 62 فیصد پر پہنچ گئی ادارہ شماریات نے ہفتہ وار رپورٹ جاری کردی۔

ایک ہفتہ میں 30 اشیائے ضروریہ کی قیمتیں بڑھ گئیں، ٹماٹر کی فی کلو قیمت میں 23 روپے 29 پیسے اضافہ ہوا جبکہ بجلی چارجز 18 پیسے فی یونٹ اضافے کے بعد 6 روپے 75 پیسے فی یونٹ ہو گئے۔

ادارہ شماریات کے مطابق ایک ہفتے کے دوران گھی کی فی کلو قیمت میں اوسط 12 روپے 07 پیسے اضافہ ہوا، اس دوران انڈے، آلو، پیاز، گڑ، دودھ، ایل پی جی اور مٹن مہنگے ہوئے۔

6 اشیاء کی قیمتوں میں کمی ہوئی، چینی کی فی کلو قیمت میں اوسط 10 روپے 29 پیسے کم ہوگئی، آٹے کا 20 کلو کا تھیلا 3 روپے 11 پیسے سستا ہوا جبکہ حالیہ ہفتہ دال مونگ، دال ماش، دال چنا، لہسن بھی سستے ہوئے۔

ادارہ شماریات کے مطابق ایک ہفتہ میں 15 اشیاء کی قیمتوں میں استحکام رہا ۔

قومی خبریں سے مزید