چند ووٹ کی اکثریت سے حکومت نے پورا نظام بلڈوز کردیا، سراج الحق

امیر جماعت اسلامی پاکستان سراج الحق نے کہا ہے کہ چند ووٹوں کی اکثریت سے حکومت نے پورا نظام بلڈوز کردیا۔

ایک بیان میں سراج الحق نے کہا کہ الیکٹرانک ووٹنگ مشین کا سہارا آئندہ الیکشن میں شکست سے بچنے کے لیے لیا گیا۔

انہوں نے کہا کہ حکومتی بلوں کا تعلق ذاتی مفادات کے تحفظ کے لیے ہے، حکومت نے مشاورت کے جمہوری طریقے سے ہمیشہ راہ فرار اختیار کی۔

پارلیمنٹ، کابینہ میں بیٹھے مافیا نوجوانوں کا حق کھاگئے، سراج الحق

امیر جماعت اسلامی پاکستان سراج الحق نے کہا ہے کہ حکومت طلبہ اور تعلیم کے فروغ کے لیے فنڈز دینے کو تیار نہیں، حکمرانوں سے کہنا چاہتا ہوں طلبا کا مطالبہ سنا جائے۔

امیر جماعت اسلامی نے مزید کہا کہ ایوان کی کارروائی جعلی تھی، قانون سازی کا عوامی مفادات سےتعلق نہیں۔

اُن کا کہنا تھا کہ پارلیمنٹ میں چند سو کی گنتی یقینی نہ بنانے والے شفاف الیکشن کے دعوے دار ہیں، وزیراعظم وہی کام ڈھٹائی سے کر رہے ہیں، جن کے خلاف شور مچاتے تھے۔

وزیراعظم نے اپنے ہر وعدے اور اعلان سے یوٹرن لے لیا، سراج الحق

امیر جماعت اسلامی پاکستان سراج الحق نے کہا ہے کہ وزیراعظم عمران خان نے اپنے ہر وعدے اور اعلان سے یوٹرن لے لیا ہے۔

سراج الحق نے یہ بھی کہا کہ جبر اور زور کے ذریعے کیے گئے فیصلے برقرار نہیں رہ سکتے، حکمرانوں نے غریب سے نوالا اور طالب علم سے قلم اور کتاب چھین لی۔

انہوں نے کہا کہ والدین بچوں کی یونیورسٹیوں اور کالجز کی فیسیں ادا نہیں کرسکتے، وزیراعظم وعدہ پورا کریں اور طلبا یونینز پر سے پابندی اٹھائیں۔