• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جماعت اسلامی کا مئیر پشاور سمیت 6تحصیلوں کیلئے بلدیا تی امیدواروں کا اعلان

میرا شہر
پشاور
19 نومبر ، 2021
پشاور(سٹاف رپورٹر) جماعت اسلامی نے مئیر پشاور سمیت 6تحصیلوں کیلئے پارٹی امیدواروں کے ناموں کا اعلان کردیا ، سابق ضلعی امیر بحر اللہ ایڈووکیٹ میٹرو پولٹین سٹی کونسل پشاور کے مئیر شپ کا انتخاب لڑیں گے،پارٹی امیر سراج الحق نے تمام نامزد امیدواروں کو ٹکٹ حوالے کردئیے ہیں ، جماعت اسلامی پاکستان کے امیر سراج الحق نے جمعرات کے روز دورہ پشاور کے دوران پشاور کے مئیر اور 6تحصیل کونسلوں کیلئے نامزد امیدواروں کو پارٹی ٹکٹ جاری کئے ، انہوں نے پشاور کے مئیر کے عہدہ کیلئے بحر اللہ ایڈوکیٹ، تحصیل شاہ عالم کیلئے سابق ڈسٹرکٹ ممبرسردار عالم خان،تحصیل متھرا کیلئےافتخار احمد خان،تحصیل چمکنی کےلئے سابق ناظم عابد علی شاہ،تحصیل بڈھ بیر کے لئےٹاون فور پشاور کے سابق ناظم حاجی نیازمحمد،تحصیل پشتخرہ کےلئے فاروق خلیل اور تحصیل حسن خیل کےلئے عمر آفریدی کو پارٹی ٹکٹ جاری کئے۔سراج الحق نے اس موقع پرجماعت اسلامی کے نامزدامیدواروں کو ہدایت کی کہ وہ گراس روٹ لیول پرعوام کے ساتھ اپنے روابط کو مضبوط تر بنائیں۔ اور عوام کے سلگتے مسائل کے حل کیلئے اپنی تمام تر صلاحیتوں کو بروئے کار لائیں ۔
تازہ ترین