-
فرمان الہی
-
نماز کے اوقات
- جمعرات 16؍شوال المکرم 1445ھ25؍اپریل 2024ء
- بانی: میرخلیل الرحمٰن
- گروپ چیف ایگزیکٹووایڈیٹرانچیف: میر شکیل الرحمٰن
فرمان الہی
نماز کے اوقات
بھارتی اداکارہ انوشکا شرما کا دل جنوبی افریقی کرکٹ لیجنڈ اے بی ڈی ویلیئرز کی ریٹائرمنٹ کی خبر سے ٹوٹ گیا۔
سماجی رابطے کی ویب سائٹ انسٹاگرام پر انوشکا شرما نے ڈی ویلیئرز کی تصویر کے ساتھ ان سے متعلق پیغام بھی شیئر کیا ہے۔
جنوبی افریقی کرکٹر نے 37 سال کی عمر میں آج کھیل کے تمام ہی فارمنٹ سے ریٹائرمنٹ کا اعلان کیا ہے۔
اداکارہ جو بھارتی ٹیم کے سابق کپتان ویرات کوہلی کی اہلیہ بھی ہیں، نے اے بی ڈی ویلیئرز کی ریٹائرمنٹ کے اعلان پر شیئر کیے گئے پیغام میں اسے دل توڑنے والی خبر قرار دیا۔
انوشکا شرما نے مزید کہا کہ جنوبی افریقی کرکٹر اُن عظیم مردوں اور کھلاڑیوں میں سے ایک ہیں، جنہیں میں نے دیکھنے اور جاننے کا اعزاز حاصل کیا۔
اداکارہ نے اے بی ڈی ویلیئرز کے لیے نیک خواہشات کا اظہار کیا اور ٹوٹے دل کے ایموجی کے ساتھ لکھا کہ آپ لوگ ہر خوبصورت چیز کے مستحق ہیں، یہ خبر واقعی دل توڑنے والی ہے۔
اس سے قبل ٹوئٹر پر ویرات کوہلی بھی جنوبی افریقی بیٹسمین کے کرکٹ کو خیرباد کہنے کے اعلان پر شدید افسردہ دکھائی دیے۔
پیغام میں ویرات کوہلی نے کہا کہ ’اے بی ڈی ویلیئرز ہمارے دور کے بہترین کھلاڑی اور سب سے متاثر کن شخص ہیں جن سے میں ملا ہوں۔‘
اُنہوں نے کہا کہ ’آپ کے فیصلے سے میرے دل کو تکلیف پہنچتی ہے لیکن میں جانتا ہوں کہ آپ نے اپنے اور اپنے خاندان کے لیے بہترین فیصلہ کیا ہے جیسا کہ آپ نے ہمیشہ کیا ہے۔‘
