فرمان الہی
نماز کے اوقات
کراچی کے چڑیا گھر میں کنٹریکٹر کی جانب سے جانوروں کو خوراک کی فراہمی بحال کر دی گئی ہے۔
کنٹریکٹر امجد محبوب کا اس حوالے سے کہنا ہے کہ کہ چڑیا گھر انتظامیہ سے مذاکرات کے بعد خوراک بحال کی گئی۔
اس نے بتایا کہ چڑیا گھر کی انتظامیہ نے فروری سے ادائیگی نہیں کی تھی جس پر گزشتہ روز خوراک کی سپلائی روکی گئی۔
کنٹریکٹر امجد محبوب نے یہ بھی بتایا کہ آج چڑیا گھر کی انتظامیہ سے ملاقات میں معاملات طے پا گئے ہیں، جس کی جانب سے واجبات کی ادائیگی دسمبر تک کرنے کی یقین دہانی کرائی گئی ہے۔
دوسری جانب چڑیا گھر کے ڈائریکٹر خالد ہاشمی کا کہنا ہے کہ سوشل میڈیا پر زیرِ گردش نوٹس جعلی ہے، چڑیا گھر کے اسٹوریج روم میں میں خوراک کے ذخائر موجود ہیں۔
واضح رہے کہ گزشتہ روز کنٹریکٹر نے ادائیگی نہ کرنے پر جانوروں کی خوراک روک دی تھی۔
رپورٹس کے مطابق مناسب غذا نہ ملنے کے باعث شیر اور بندر سمیت کئی جانور لاغر ہو گئے تھے۔
