احمد نورانی کی اہلیہ عنبرین فاطمہ کی گاڑی پر حملہ، پی پی، اے این پی کی مذمت

پاکستان پیپلز پارٹی اور عوامی نیشنل پارٹی نے صحافی احمد نورانی کی اہلیہ عنبرین فاطمہ کی گاڑی پر حملے کی مذمت کی ہے۔

پیپلز پارٹی کے رہنما نیر بخاری نے کہا ہے کہ خبر صحافت کی بنیاد ہے، تحقیقات کروانے کے بجائے خاندان کو نشانہ بنانا شرمناک ہے، میڈیا کے ذریعے اقتدار میں آنے والےحربے میڈیا پر ہی استعمال کررہے ہیں۔

لاہور: سینئر صحافی احمد نورانی کی اہلیہ کی گاڑی پر حملہ

احمد نورانی کی اہلیہ عنبرین فاطمہ کا کہنا ہے کہ ان کی کسی سے دشمنی نہیں ، بیٹی اور بہن کےساتھ شاپنگ کے لیے بازار جارہی تھی کہ نامعلوم شخص نے حملہ کیا۔

رہنما عوامی نیشنل پارٹی زاہد خان نے مطالبہ کیا ہے کہ عنبرین فاطمہ پر حملے کی تحقیقات کروائی جائے اور ذمہ داروں کو سامنے لایا جائے۔

انہوں نے کہا ہے کہ احمد نورانی کی اہلیہ عنبرین فاطمہ 15سال سے صحافت سے وابستہ ہیں، دلیل کی بجائے لاٹھی گولی سے جواب دینا کمزور اور بزدلوں کی نشانیاں ہیں۔