یونیورسٹی بریڈ فورڈ کے عملہ کی تین روزہ ہڑتال کا آغاز

بریڈفورڈ (محمد رجاسب مغل ) یونیورسٹی آف بریڈفورڈ جو برطانیہ کی 58 یونیورسٹیوں میں سے ایک ہےاس کے عملے نے تین دن کے لیے ہڑتال شروع کر دی ہے، یہ ہڑتال جمعہ تک جاری رہے گی۔ یونیورسٹی اور کالج یونین کے اراکین پنشن میں کٹوتی، تنخواہ اور کام کے حالات پر ہڑتال کر رہے ہیں، یونیورسٹی اور کالج یونین آجروں سے اپنی پنشن کی تجاویز کو منسوخ کرنے ،تمامعملے کے لیے تنخواہ میں اضافے ،کام کے بوجھ سے نمٹنے، عدم مساوات اور غیر محفوظ معاہدوں سے نمٹنے کے لیے کارروائی کا مطالبہ کر رہا ہے، یو سی یو کے جنرل سکریٹری جو گریڈی نے کہا کہ یہ افسوسناک ہے کہ عملے کو دوبارہ انڈسٹریل ایکشن کے تحت کارروائی کرنے پر مجبور کیا گیا ہے، جبکہ یونیورسٹی کے مالکان نے گفت و شنید اور خدشات کو دور کرنے میں بہت کم دلچسپی دکھائی ہے،عملہ پیسے سے بھرے سیکٹر میں کم سے کم کا مطالبہ کر رہا ہے، بریڈ فورڈ یونیورسٹی کے ترجمان نے کہا کہ صنعتی کارروائی کی نوعیت کا مطلب ہے کہ ہم اس وقت تک نہیں جان پائیں گے کہ کون سا عملہ ہڑتال کر رہا ہے، یونیورسٹی اس بات کو یقینی بنانے کے لیے ہر ممکن کوشش کرے گی کہ تدریس، امتحانات اور طلبہ کی مدد کو مؤثر طریقے سے جاری رکھا جائے، اگرچہ ہمارا ارادہ مطالعہ کو بری طرح متاثر ہونے سے بچانا ہے، لیکن ہڑتال سے اس بات کا امکان ہے کہ پڑھائی اصل منصوبہ بندی کے مطابق آگے نہ بڑھے، یونیورسٹی اس مدت کے دوران کھلی رہے گی اور طلبا کو کیمپس کی سہولیات تک رسائی حاصل ہوگی، اس کے علاوہ ذاتی طور پر موسم سرما کی گریجویشن منصوبہ بندی کے مطابق آگے بڑھے گی۔