• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

لوئر دیر میں خاتون سے مبینہ زیادتی کرنے والے جج کو رہا کردیا گیا


لوئردیر میں لڑکی سے مبینہ زیادتی کےالزام میں گرفتار سینئر سول جج کی ضمانت منظور کرلی گئی۔

سیشن عدالت تیمرگرہ نے 50، 50 ہزار کے مچلکوں کے عوض ضمانت منظور کی، جس کے بعد جج کو تیمر گرہ جیل سے رہا کردیا گیا۔

ڈی ایس پی فاروق جان نے کہا کہ معطل سینئر سول جج کو ڈسٹرکٹ جیل تیمر گرہ سے رہا کردیا۔

لڑکی نے عدالت میں بیان دیا کہ ابتدائی رپورٹ نہیں کرواناچاہتی تھی، پولیس نے زبردستی رپورٹ کروائی۔

متاثرہ لڑکی نے اپنے بیان میں کہا کہ ملزم کی ضمانت منظوری پر اعتراض نہیں ہے۔

واضح رہے کہ 25 نومبر کو پشاور کی رہائشی لڑکی نے سینئر سول جج تیمرگرہ پر جنسی زیادتی اور رشوت کا الزام لگایا تھا۔

قومی خبریں سے مزید