• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیالکوٹ واقعے پر اب بہت جلد انصاف مل جائے گا، شہباز گل

شہباز گل - فوٹو: فائل
شہباز گل - فوٹو: فائل

وزیراعظم عمران خان کے معاون خصوصی شہباز گل نے کہا ہے کہ سیالکوٹ واقعے پر اب بہت جلد انصاف مل جائے گا۔

ایک بیان میں شہباز گل نے کہا کہ سیالکوٹ واقعے کے ملزمان کو پھانسی پر بھی لٹکائیں گے، مقتول کو جلد انصاف ملے گا۔

انہوں نے کہا کہ وہ صرف سیالکوٹ واقعے پر نہیں بلکہ ماڈل ٹاؤن واقعے پر بھی شرمندہ ہیں، وہ شرمندہ ہیں کہ اب تک قاتلوں کو سزا نہیں مل سکی۔

وزیراعظم کے معاون خصوصی نے مزید کہا کہ آنسو خشک ہوجانے کے بعد ملنے والے انصاف کو انصاف نہیں کہتے ہیں۔

ان کا کہنا تھا کہ بچوں کے نصاب میں بھی اسلامی ضابطہ اخلاق شامل کیا جائے گا۔

قومی خبریں سے مزید