ایشیز سیریز: آسٹریلیا کی پوزیشن مستحکم

آسٹریلیا اور انگلینڈ کے درمیان کھیلے جارہے ایشیزسیریز کے پہلے ٹیسٹ میچ کے دوسرے دن آسٹریلیا کی پوزیشن مستحکم ہوگئی۔

آسٹریلیا نے دن کے اختتام تک انگلینڈ کے 147 کے جواب میں 7 وکٹ پر 343 رنز لیے ہیں اور مہمان ٹیم پر 196 رنز کی برتری حاصل کرلی ہے۔

ایشیز سیریز: انگلینڈ کی ٹیم 147رنز پر ڈھیر

انگلینڈ اور آسٹریلیا کے درمیان جاری ایشیز سیریز کے پہلے ٹیسٹ میچ کی پہلی اننگز میں انگلینڈ کی پوری ٹیم 147 رنز پر آؤٹ ہوگئی

دوسرے دن آسٹریلوی اوپنر مارکس ہیرس 3 رنز بنا کر آؤٹ ہوئے جبکہ دوسری وکٹ پر ڈیوڈ وارنر اور مانس لبوشین نے 156 رنز کی شراکت بنائی، لبوشین 74 اور وارنر 94 رنز بناکر آؤٹ ہوئے۔

اسٹیو اسمتھ 12، کیمرون گرین صفر اور الیکس کیری 12 رنز بناکر پویلین لوٹ گئے جبکہ ٹریوس ہیڈ نے شاندار سنچری اسکور کی وہ 112 رنز بناکر کریز پر موجود ہیں۔