فرمان الہی
نماز کے اوقات
کراچی ( اسٹاف رپورٹر) پاکستان ہاکی فیڈریشن نے ہالینڈسگفریڈایکمین کو پاکستان ہاکی ٹیم کا نیا کوچ مقرر کردیا ہے، ان کے ساتھ 2026 تک معاہدہ کیا گیا ہے وہ بدھ کی شب لاہور پہنچ گئے۔ پی ایچ ایف کے سکریٹری آصف باجوہ نے بتایا ہے کہ وہ ایشین چیمپئنز ٹرافی میں بھی قومی دستے کے ساتھ بطور آفیشل جائیں گے تاہم اس ایونٹ میں خواجہ جنید ہیڈ کوچ ہوں گے۔ انہوں نے کہا کہ کوچ کے ساتھ معاہدہ کے لئے ادائیگی کی ذمہ داری وفاقی حکومت نے لی ہے۔ نئے کوچ جونیئر ٹیم کو تر بیت دیں گے اور اکیڈمی میں بھی کھلاڑیوں اور کوچز کے لئے پلان بنائیں گے۔ دریں اثناایکمین نے کہا ہے کہ ایشین چیمپئنز ٹرافی کے بارے میں کچھ نہیں کہہ سکتا، میں کھلاڑیوں سے ملا ہوں، ہمیں شارٹ ٹرم اور لانگ ٹرم پلان بنانا ہیں۔فزیکل اور مینٹل فٹنس پر بھی کام کریں گے۔
