• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مری آنیوالے سیاح محفوظ سفر کیلئے ٹریفک قوانین پر عمل کریں،سی ٹی او

میرا شہر
اسلام آباد
10 دسمبر ، 2021
راولپنڈی(سٹاف رپورٹر) چیف ٹریفک آفیسر راولپنڈی تیمور خان نے برفباری سیزن کے حوالے سے کوہ مری سیکٹر کا دورہ کیا ۔ ڈی ایس پی ٹریفک اجمل ستی نے سی ٹی او کومری کی اہم سڑکوں ، رش والے مقامات اور سیزن کے دوران ون وے کی جانے والی سڑکوں کا معائنہ کروایا۔سی ٹی او نے ٹریفک چوکی مری، ایم ٹی سیکشن ،ٹریفک افسران کی رہائش گاہ ،ٹریفک آفیسر میس کا بھی معائنہ کیا۔انہوں نے ٹریفک وارڈنز کی رہائش گاہ اور ٹریفک آفیسر میس کے معائنہ کے دوران ڈی ایس ٹریفک مری کو ہدایات جاری کرتے ہوئے کہاکہ مری میں تعینات ٹریفک وارڈنز اور سپیشل ڈیوٹی آنے والی نفری کی رہائش اور کھانے کے حوالے سے ہر ممکنہ سہولیات فراہم کی جائیں ۔ انہوں نے سیاحوں سے بھی اپیل کی کہ مری میں ٹریفک قوانین پر سختی سے عمل کریں تاکہ آپ کا سفر محفوظ اور خوشگوار رہے۔
تازہ ترین