سلمان خان کیلئے سعودی حکام کیجانب سے خصوصی اعزاز

بالی ووڈ اسٹار سلمان خان جنہوں نے حال ہی میں سعودی عرب کا دورہ کیا ہے، انہیں سعودی حکام کی جانب سے خصوصی اعزاز سے نوازا  گیا ہے۔

سلمان خان جمعرات کو ’دبنگ سیزن‘  کا آغاز کرنے ریاض پہنچے تو سعودی حکام کی جانب سے ان کازبردست استقبال کیا گیا۔ 

سعودی حکام نے سلمان خان کے خصوصی اعزاز کے طور پر ان کے ہاتھوں کے پرنٹس کو ریاض میں وال آف فیم میں شامل کردیا ہے۔

سوشل میڈیا پر ریاض بولیفارد کی جانب سے تصاویر اور ویڈیوز جاری کی گئی ہیں۔

سلمان خان کا’ دبنگ‘ شو دیکھنے کے لیے سعوی عرب میں کتنےٹکٹ فروخت ہوئے؟

بالی ووڈ اسٹار سلمان خان کے’دابنگ‘ شوکو دیکھنے کے لیے سعودی عرب کے دارالحکومت ریاض میں ہزاروں کی تعداد میں لوگ آئے۔

ان تصاویر میں دیکھا جاسکتا ہے کہ سلمان خان کا شو دیکھنے کے لیے اتنے لوگ موجود ہیں کہ تل دھرنے کی جگہ نظر نہیں آرہی۔

اسی طرح سوشل میڈیا پر شیئر ویڈیو میں یہ بھی دیکھا جاسکتا ہے کہ سلمان خان اور دیگر اسٹارز کی پرفارمنس پر لوگ جھوم اٹھے۔

خیال رہے کہ سعودی عرب کے دارلحکومت ریاض میں ’ریاض سیزن2021‘ کا انعقاد کیا گیا ہےجس کے افتتاحی کنسرٹ میں امریکی ریپر پٹبل نے پرفارم کیا۔ 

آرٹس اینڈ کلچر فیسٹیول آئندہ تین ماہ تک جاری رہے گا۔ اس کا اہتمام جنرل انٹرٹینمنٹ اتھارٹی نے کروایا ہے اور اس کے تحت ریاض بھر میں 7,500 تقریبات کا انعقاد کروایا جائےگا، جس میں موسیقی، کھیل، فنون لطیفہ سے لے کر کھانے تک شامل ہیں۔

سلمان کا ریاض میں شو، لوگوں کا سیلاب اُمڈ آیا

تصاویر میں دیکھا جاسکتا ہے کہ سلمان خان کا شو دکھنے کے لیے اتنے لوگ موجود ہیں کہ پاؤں دھرنے کی جگہ موجود نہیں ہے۔

اداکار سلمان خان کے ’دبنگ ری لوڈِڈ ‘ شو کا ریاض بولیفارد میں انعقاد بھی اسی فیسٹیول کے تحت ہوا۔

اس شو میں سلمان خان کے ہمراہ شلپا شیٹی، پربھو دیوا، ایوش شرما، سائی مکھرجی اور دیگر بھی موجود تھے۔

یہ میگا ایونٹ ولی عہد شہزادہ محمد بن سلمان کے ویژن 2030 کا حصہ ہے۔