فرمان الہی
نماز کے اوقات
کراچی (اسٹاف رپورٹر)پاکستان ہاکی فیڈریشن کے صدر بریگیڈیئر ( ر) خالد سجاد کھوکھر نے پیر کو ڈھاکا میں قومی ہاکی ٹیم کے کھلاڑیوں سے فون پر بات چیت کی اور کہا کہ وہ ایونٹ میں اچھی کار کردگی دکھانے کی کوشش کریں، اپنی صلاحیتوں کابہتر مظاہرہ کرکےوکٹری اسٹینڈ پر آئیں۔ دریں اثنا پیر کو ڈھا کا میں ایشین چیمپئنز ٹرافی کی چمچماتی ٹرافی کی رونمائی ہوئی جس میں پاکستان کے کپتان عمر بھٹہ سمیت پانچوں ٹیموں کے کپتانوں نے شرکت کی۔ پاکستان کے کوچ سمیر حسین نےکہا ہے کہ قومی ٹیم کے کھلاڑیوں میں پوٹینشل موجودہے،پرفارمنس کے لئے پرعزم ہیں۔ دوسری جانب قومی ٹیم کے ڈھاکا پہنچنے والے سنیئر ٹیم کے گول کیپرز کو پاکستانی دستے میں شامل کرنے کی منظوری دے دی گئی۔
